Специјалната воена операција на Русија ќе заврши кога НАТО ќе престане да ја користи украинската територија за да и се заканува на Русија“, изјави Алексеј Полчук, висок функционер на руското Министерство за надворешни работи, пренесува руската новинска агенција Тас.
„Специјалната воена операција ќе заврши кога ќе се исполнат нејзините задачи. Меѓу нив се заштитата на цивилното население на Донбас, демилитаризацијата и денацификацијата на Украина, како и отстранувањето на заканите за Русија кои доаѓаат од украинската територија поради нејзината окупација од НАТО“, вели Полшчук.
Тој не објасни точно како НАТО и се заканува на Русија од украинска територија. Дипломатот додаде дека операцијата „се одвива според планираното“ и дека „сите нејзини цели ќе бидат остварени“.