Руски дрон денеска го погоди седиштето на Службата за безбедност на Украина (СБУ) во Киев, а во нападот има повредени, изјави украинскиот претседател Володимир Зеленски.
Зеленски рече дека дронот бил насочен „директно кон канцеларијата“ на вршителот на должноста директор на СБУ, Олександар Поклад. Според него, во нападот има повредени лица, но во првата изјава не го наведе нивниот број.
Moment of the Russian drone strike on the SBU building in central Kyiv pic.twitter.com/qP1SNeyUoF
— EMPR.media (@EuromaidanPR) September 4, 2026
Подоцна градоначалникот на Киев, Виталиј Кличко, соопшти дека најмалку девет лица биле повредени во киевскиот округ Шевченкивски, по падот на рускиот дрон, а седум од нив биле хоспитализирани.
Пожарот што избил во нестамбена зграда во тој дел од градот бил изгаснат. Кличко додаде дека во објектот дошло до уривање на меѓукатната конструкција и дел од надворешниот ѕид.
„Итните служби продолжуваат да работат на местото на настанот“, наведе градоначалникот на Киев.
Седиштето на СБУ се наоѓа во центарот на Киев, во близина на катедралата „Света Софија“. Според актуелните извештаи, цел на нападот била канцеларијата на вршителот на должноста шеф на СБУ, Поклад, кој во моментот на ударот не бил во канцеларијата.