Стратешки руски бомбардер Ту-95 промаши денеска писта за слетување во областа Амур на рускиот Далечен исток откако претходно се запали еден од моторите, соопшти Министерството за одбрана.
Во соопштението се додава дека командантот на руските воздухопловни сили побарал укинување на сите летови на бомбардерите Ту-95 додека трае истрагата.
Инцидентот се случил за време на тренажен лет во базата Украинка. Во авионот немало оружје, а нема информации дали има повредени.