Руската воздушна одбрана синоќа пресретна и уништи 125 украински беспилотни летала над седум региони на Руската Федерација и над Азовското Море, соопшти денеска руското Министерство за одбрана (МО).
„Во текот на изминатата ноќ, украинските сили се обидоа да извршат терористички напад користејќи беспилотно летало врз цели на територијата на Руската Федерација. Дежурните системи за противвоздушна одбрана уништија и пресретнаа 125 украински беспилотни летала“, се вели во пораката од руското Министерство за одбрана, пренесува РИА Новости.
Според Министерството, 67 беспилотни летала се уништени над територијата на Волгоградската област, 17 над Белгородската област, 17 над Воронежската област, 18 над Ростовската област, по еден над териториите на Брјанска област, Курска област и Краснодар и три над Азов.