Руската државна телевизија Русија 1 со ентузијазам го следеше говорот на американскиот потпретседател Џеј-Ди Венс, јавува Би-Би-Си.
„Беше многу убаво да се слушне моќниот говор на Венс“, рече дописничката Асја Јемељанова. “Тоа беше јавно камшикување, не можам да го наречам поинаку. Исто така беше интересно да се гледаат изразите на лицата на оние кои го слушаа”, додаде низ смеа.
Таа особено ги пофали коментарите на Венс за неговата загриженост за „заканата одвнатре“ повеќе отколку руското или кинеското мешање во Европа.
Јемељанова ги поддржа и тврдењата на Венс за падот на демократијата и слободата на говор во Европа.
Ваквите изјави совршено се вклопуваат во наративот што руските државни медиуми го промовираат со години, посочува Би-Би-Си и наидоа на одобрување од коментаторите на каналите кои се пријателски настроени кон Кремљ.