Руската делегација ја напушти салата на Генералното собрание на Обединетите нации за време на обраќањето на украинскиот претседател Петро Порошенко на самитот за одржлив развој, изјави висок руски дипломат, јави ТАСС.
– Ја напуштаме салата во знак на протест против отворено политизираниот и агресивниот говор, кој воопшто не одговараше на темата на средбата, рече дипломатот.
Порошенко во својот говор истакна дека Украина нема да ги исполни целите на ОН за одржлив развој се додека Русија не ја прекине воената агресија против земјата.
Порошенко изјави дека мирот и слободата се неопходни за постигнување на целите за одржлив развој во следните 15 години, но напомена дека руските дејствија и пречат на Украина да напредува на тој пат.
– Одржлив развој не се случува додека се слушаат експлозии и се убиваат цивили, додаде Порошенко.