Рускиот претседател Владимир Путин има намера да присуствува на годинашниот самит на Г-20 во Индонезија, изјави руската амбасадорка во островската држава Људмила Воробјова, спротивно на тврдењата на некои земји дека Русија ќе биде исфрлена од групата.
САД и западните сојузници проценуваат дали Русија треба да остане дел од форматот што ги обединува дваесетте најголеми економии во светот по нападот на Украина.
Амбасадорката на Русија во Индонезија, актуелен претседавач на Г20, рече дека Путин планира да пристигне на индонезискиот остров Бали на состанокот во ноември.
„Тоа ќе зависи од многу, многу работи, вклучувајќи ја и ситуацијата со пандемијата на Ковид-19, која се подобрува. Засега тој сака да присуствува“, рече на прес-конференција амбасадорката Воробјова.
Извор: МИА