Руските трупи за противвоздушна одбрана, наводно, добиле нов софтвер кој им овозможува брзо откривање и соборување на проектили истрелани од ракетни фрлачи ХИМАРС, доставени до Украина од САД.
Ова го соопшти командантот на една од единиците за противвоздушна одбрана со седиште во Запорожје.
Американскиот систем ХИМАРС се покажа како пресвртница за Украина во обидот да ја спречи руската агресија. Системот ХИМАРС, според мислењето на повеќето експерти, имаше најзначајно влијание врз руско-украинската војна.
Меѓутоа, руските експерти сега тврдат дека употребата на нов софтвер им овозможува на руските единици за противвоздушна одбрана да прават пресметки кои се речиси 100% попрецизни, овозможувајќи им брзо да ги соборат проектилите истрелани од ХИМАРС.
Алексеј Подберезкин, директор на Центарот за воено-политички студии МГИМО, тврди: „Во принцип, и пред новиот софтвер, 75-80 отсто од ракетите лансирани од системите ХИМАРС беа соборени, но не и 100 отсто“.