Русите и Јапонците прават робот кој ќе работи на Месечината

Од:

Руската компанија за Андроид Технолоџи и јапонскиот стартап ГИТАИ планираат да направат робот што ќе работи на површината на Месечината, изјави за ТАСС извршниот директор на руската компанија Евгениј Дудоров.

– Колегите од Јапонија размислуваат во истата насока како и ние, набљудувајќи го чекор по чекор дизајнот на роботски системи за истражување на блиската и далечната Вселена, потенцираше Дудоров. – И ние и тие ја идентификуваме Месечината, односно роботските системи кои би можеле да функционираат и извршуваат задачи на Месечината, како наша главна цел, појасни Русинот.

Според Дудоров, ГИТАИ е специјализирана за антропоморфни роботи и користи контролори слични на оние што ги развива Андроид Технолоџи. Уредот овозможува контрола на роботите во режим за аватар, за време на кој ќе ги имитира дејствата на човечки контролер за изведување на одредени манипулации.

Прелиминарен договор за соработка беше постигнат кога претставниците на јапонската компанија ја посетија Русија претходно оваа недела.

– Ќе потпишеме договор за соработка. Подоцна ќе направиме заедничка структура на планови за 2020, 2021 и други години, рече Дудоров, додавајќи дека договорот ќе биде потпишан наскоро.

Би можело да ве интересира

Москва: Русија, САД и Франција работат на смирување на ситуацијата во Нагорно-Карабах

Жарко Настоски

Познат руски историчар осуден на 13 години затвор поради сексуално злоставување на дете

Жарко Настоски

Путин планира да ја прими вакцината против Ковид-19

Жарко Настоски

Путин: Москва и Минск се сојузници во братските односи

Ана Ололовска

Руски медиуми: Од цел свет нарачки за над милијарда дози од вакцината против коронавирус

Ана Ололовска

Белорусија е првата земја што ја доби руската вакцина против коронавирусот

Жарко Настоски