Руското министерство за надворешни работи денеска објави дека парламентарните избори во Украина претставуваат шанса за постигнување на мир во источните делови на земјата.
Министерството, истовремено, наведува дека присуството на голем број националисти во парламентот може да го поткопа мировниот процес.
Според првични резултати проевропските партии имаат убедлива победа на вчерашните парламентарни избори во Украина.
– Официјалните резултати од изборите се уште не се објавени, но веќе е јасно, дека партиите што се залагаат за мирно решавање на украинската криза, имаат мнозинство од гласовите, изјави рускиот заменик министер за надворешни работи Григориј Карасин.