Кремљ во неколку наврати порача дека не планира да користи нуклеарно оружје во Украина, а сега тоа го повтори и Алексеј Зајцев, портпарол на руското Министерство за надворешни работи.
Заицев денеска изјави дека употребата на нуклеарно оружје, ризик за кој западните официјални лица постојано предупредуваат, „не е применлива за специјална воена операција“, како што Кремљ ја нарекува украинската инвазија.
Неколкумина западни функционери и аналитичари предупредија дека Владимир Путин, поради неможноста да го скрши жестокиот отпор на Украинците, би можел да прибегне кон некој вид нуклеарен удар. Најчесто се споменуваше тактичко нуклеарно оружје.
Минатиот месец, директорот на ЦИА, Вилијам Барнс рече дека, со оглед на загубите што Русија ги претрпе во Украина, „никој не треба да ја сфаќа лесно заканата од можната употреба на тактичко нуклеарно оружје“.