Во текот на ноќта руската армија собори 17 украински беспилотни летала над четири региони на Русија, соопшти руското Министерство за одбрана.
„Шест беа пресретнати над територијата на Воронежската област, шест над територијата на Саратовската област, четири беа соборени над територијата на Белгородската област и еден над територијата на Брјанската област“, се наведува во соопштението.
Локалните власти соопштија дека нема жртви или штети на местата каде што биле пресретнати беспилотните летала, пренесува РИА Новости.