Русија ќе затвара затвори Краснојарск откако осудениците заминаа на фронтот

Од:

Властите на руската област Краснојарск планираат годинава да затворат неколку затвори поради падот на бројот на затвореници предизвикан од нивната мобилизација во војната против Украина, пишува денеска весникот „Комерсант“.

Руските медиуми го наведоа Марко Денисов, комесар за човекови права во Краснојарск, кој им рекол на регионалните власти дека најмалку два затвора ќе бидат затворени поради „големото еднократно намалување на бројот на затвореници во контекст на специјална воена операција“.

Русија регрутира затвореници за својата офанзива во Украина од 2022 година, кога Евгениј Пригожин, загинатиот водач на платеничката група Вагнер, започна турнеја низ затворските колонии, нудејќи помилување доколку преживее шест месеци на фронтот.

Пригожин, загина во авионска несреќа набргу откако го предводеше краткотрајниот бунт против руските воени водачи, тврдеше дека регрутирал 50.000 затвореници за Вагнер.

Руските затворски власти потоа објавија статистички податоци што покажаа ненадеен пад на популацијата во притвор. Руското Министерство за одбрана продолжи да регрутира осуденици за своите формации Storm-Z.

Би можело да ве интересира

ЕУ увезува руска нафта преку турските пристаништа

ЕУ: Русија да ги заборави замрзнатите средства и по укинувањето на санкциите

Седум лица загинаа, а осум се повредени во пожар во московскиот регион

ФСБ уапси две лица кои подготвувале терористички напад во Русија

Горан Наумовски

Под обвинение за примање мито уапсен e генерал на руската армија

Рјабков: Тврдењата на Пентагон за руско лансирање антисателитско оружје се лажни