Армиите на Русија и Кина денеска ги започнаа шестдневните воени вежби насловени како „Безбедност на воздушниот простор 2017“.
Со овие вежби се очекува да зајакне воената соработка меѓу двете земји и да се обезбеди стратешки распоред на силите во Пацификот.
Главна цел на вежбите е заедничко планирање на борбените операции во контекст на организирање противвоздушна одбрана, меѓусебна поддршка и одговор на лансираните балистички ракети кои прелетуваат над Русија и Кина.
Првите заеднички воени вежби „Безбедност на воздушниот простор 2016“ беа одржани во мај минатата година.