Рускиот премиер Михаил Мишустин потпиша наредба за раскинување на договорот со Шведска за размена на информации за нуклеарни објекти и за навремено известување за нуклеарна несреќа.
Документот е објавен на официјалниот и правен информативен портал, пренесува РИА Новости.
„Во согласност со став 1 од член 37 од Федералниот закон „За меѓународни договори на Руската Федерација“, Договорот меѓу Владата на Сојузот на Советските Социјалистички Републики и Владата на Шведска за навремено известување за нуклеарна несреќа и за размена на информации за нуклеарни објекти, потпишан во градот Стокхолм на 13 јануари 1988 година, со ова се раскинува“, се наведува во документот. На руското Министерство за надворешни работи му е наложено да ја извести шведската страна за одлуката.