Нападите на САД врз Иран грубо го кршат меѓународното право и Повелбата на ОН, објави руското Министерство за надворешни работи и повика на прекин на агресијата на Блискиот Исток и зголемување на напорите за враќање на ситуацијата во политички и дипломатски колосек.
„Повикуваме на прекин на агресијата и зголемување на напорите за создавање услови за враќање на ситуацијата во политички и дипломатски тек“, се вели во соопштението на руското Министерство за надворешни работи по американските напади врз нуклеарните постројки во Иран.
Неодговорната одлука на САД да го подложи Иран на ракетни и бомбардирачки напади е грубо кршење на меѓународното право и Повелбата на ОН, а особено е алармантно што нападите ги изврши земја која е постојана членка на Советот за безбедност на ОН, објави руското Министерство, пренесува РИА Бовости.
„Неодговорната одлука да ја подложи територијата на суверена држава на ракетни и бомбардирачки напади, без оглед на аргументите што се користат за да се оправда тоа, грубо го крши меѓународното право, Повелбата на ОН и резолуциите на Советот за безбедност на ОН, кои претходно недвосмислено ги квалификуваа таквите дејствија како неприфатливи“, се вели во соопштението.
