Русија е решена да учествува во мировниот процес во Украина и покрај новите економски санкции на Европската унија кон неа, изјави портпаролот на Кремљ, Дмитриј Песков.
– И покрај тоа што позицијата на ЕУ не е конструктивна, Русија ќе продолжи да прави се што е во нејзина моќ, за да помогне во имплементирањето на постоечкиот мировен план, како и за стабилизирање на ситуацијата во југоисточна Украина во целина, рече Песков.
Претходно, руското Министерство за надворешни работи соопшти дека новите санкции на ЕУ покажуваат дека Унијата е против мировниот процес во Украина.
Според Песков, Русија жали поради тоа што ЕУ вовела нови казнени мерки и продолжила „да разговара со јазикот на санкциите, наместо да учестува во мирното решавање на кризата и тоа не само на зборови, туку на дело“.