Претседателот на Бразил Дилма Русеф ги отфрли критиките поради доцнење, финансиските пречекорувања и хаосот во текот на подготовките и потврди дека Бразил е подготвен за почеток на Светското првенство во фудбал.
– Бразил е подготвен на и надвор од терените. Песимистите се поразени со напорна работа и одлучност на бразилскиот народ што никогаш не се предава, изјави Рудеф синоќа во телевизиско обраќање пред почетокот на СП.
Првиот натпревар на програмата ќе гo играат домаќинот Бразил и Хрватска во Сао Паоло.
Бразил за подготовките пред СП во фудбал потроши околу 11,5 милијарди долари.
Подготовките предизвикаа голем број протести на граѓани, незадоволни поради трошењето толку многу пари на таков настан, додека недостига квалитет во јавните услуги, здрваството, образованието, безбедноста и транспортот.