Американскиот државен секретар Марко Рубио денеска изјави дека САД во вторникот разговарале со украинска делегација во Џеда за територијални отстапки за Киев и дека се надеваат на позитивен одговор на прекинот на огнот од Русија.
„Ако Русија каже не, многу ќе ни стане појасно. Нема воено решение за овој конфликт. На Украина и треба доволно одвраќање од идни напади“, им рече Рубио на новинарите на аеродромот Шенон на почетокот на посетата на Република Ирска.
Рубио рече дека нема да го карактеризира предложениот договор за минерали меѓу Украина и САД како безбедносна гаранција.