Врховниот совет за национална одбрана на Романија одобри план за учество на припадници од вооружените сили на државата во мисии вон територијата со кој се предвидува во 2015 година да бидат испратени 895 романски војници.
Во соопштение од Советот се вели дека бројот на војниците што ќе учествуваат во мисии и операции во светот ќе биде намален за 416 луѓе во споредба со 2014 година.
Советот анализираше исто така барање од НАТО за засилување на учеството на романската армија во мисија на НАТО во Авганистан и одлучи романскиот контигент да биде зголемен во 2015 година со 450 војници.
Што се однесува до МВР на Романија, тие ќе учествуваат во мисии под закрила на НАТО, ЕУ, ОБСЕ и ОН со 1.183 припадници. Во споредба со 2014 година, бројот им се зголемува за 392 лица.