Букурешт како „превентивна мерка“ постави околу 120 шатори во близина на границата со Србија, иако досега бегалците ја заобиколуваат Романија.
Половина од шаторите се подигнати во близина на селото Лунга, а остатокот близу селото Моравита. Се очекува во камповите да бидат испратени и преведувачи и медицински персонал.
Министерот за внатрешни работи на Романија Габриел Опреа изјави дека камповите ќе бидат тест на романската „способност да реагира“.
Романија, како и Унгарија се членки на ЕУ, но не во Шенген зоната на слободни граници, па бегалците ја избегнуваат.