Градските власти во Рим забранија употреба на огномет и пиротехнички средства за време на дочекот на Новата година.
Градоначалничката Вирџинија Раџи ја потпиша одлуката со која се забранува огномет и пиротехника во Рим од вечерва на полноќ, до 2 јануари на полноќ.
Забраната за употреба на огномет и петарди се однесува на целиот град, а со неа не се опфатени помали прскалки кои не се ризична категорија.
Градоначалничката во образложението наведува дека забраната за огномет и пиротехника за време на новогодишните празници е воведена поради сигурносни причини, но и поради заштита на животните. Во центарот на Рим, односно во регионот Circus Maximus, за време на дочекот на Новата Година е забранета и употреба на стаклени чаши и шишиња.