Едно од најмоќните оружја во арсеналот на американската морнарица пристигна во пристаништето Гуам во текот на викендот. Аналитичарите велат дека САД со тоа испратиле порака до сојузниците и непријателите во услови на растечки тензии во Индо-Пацификот.
УСС Невада, подморница на нуклеарен погон од класата Охајо која носи 20 балистички ракети „Тридент“ и десетици нуклеарни боеви глави, пристигна во базата на територијата на САД во Пацификот во саботата. Ова е прво пристигнување на подморница со балистички ракети на Гуам од 2016 година и само второ јавно објавено пристигнување од 1980-тите.
The #USNavy ballistic-missile submarine USS Nevada (SSBN 733) arrived at Apra Harbor, Guam Jan. 15, reflecting the United States’ commitment to the Indo-Pacific region.
Read more ?? https://t.co/bzjPpYRQnH pic.twitter.com/N4YCdcizct
— U.S. Navy (@USNavy) January 16, 2022
Позициите на таквите подморници обично се чуваат строго во тајност
„Ова пристигнување на пристаништето ја зајакнува соработката меѓу Соединетите Држави и сојузниците во регионот, покажувајќи ја американската способност, флексибилност, подготвеност и континуирана посветеност на индо-пацифичката регионална безбедност и стабилност“, се вели во соопштението на американската морнарица.
Позициите на таквите подморници обично се чуваат строго во тајност. Погонот на нуклеарна енергија значи дека таквите пловила можат да работат под вода со месеци; единственото нешто што ги ограничува се резервите потребни за одржување на екипажот, пишува CNN.