Првата компонента од руската вакцина „Спутник V“ ја примиле 26.000 волонтери, додека 20.000 волонтери веќе се вакцинирани по вторпат, изјави Дени Логунов, заменик директор на центарот „Гамалеја“, што ја разви оваа прва руска вакцина против коронавирусот.
-Во моментов веќе вакциниравме 26.000 лица со првата компонента, додека речиси 20.000 волонетери ги примија двете вакцини, рече Логунов за Тасс.
На 11 август Русија стана првата земја во светот што регистрира вакцина против коронавирусот, што ја нарече „Спутник V“, а ја разви Истражувачкиот институт за епидемиологија и микробиологија „Гамалеја“ на руското Министерство за здравство.