Египет изрази „голема вознемиреност“ по изјавата на турскиот премиер Реџеп Таип Ердоган за поддршката на соборениот претседател Мохамед Морси.
– Постои голема вознемиреност поради изјавите што ги повоторуваат турските претставници за внатрешната ситуација во Египет, се наведува во соопштението на портпаролот на египетското Министерство за надворешни работи Бадр Абделати.
Ердоган изјави дека Морси е жртва на државен удар, додека шефот на турската дипломатија Ахмет Давутоглу наведе дека Турција се уште го признава Морси за легитимен претседател на Египет.