Бројот на баратели на азил во Германија е зголемен за 71 процент во септември во однос на истиот месец минатата година, објави Министерството за внатрешни работи на федералната република, јави ДПА.
Нивниот број бележи раст од 21 процент во септември на 11.500 лица во однос на август, се наведува во соопштението на министерството. Тоа претставува зголемување од 71 отсто во однос на септември 2012 година.
Повеќето од барателите на азил се од Србија, а потоа следат Сирија, Македонија, Русија и Авганистан.
Вкупниот број барателите на азил во најголемата економија во Европа изнесува 74.000 лица за периодот јануари-септември, што е раст од 85 отсто во однос на истиот период минатата година.