До средината на 2013 година локалните армија и полиција во Авганистан ќе ја преземат одговорноста за безбедноста во целата земја, изјави генералниот секретар на НАТО Андерс Фог Расмусен при отворањето на средбата на министрите за надворешни работи од НАТО и партнерите во ИСАФ.
Тој забележа дека сега авганистанските специјални единици одговораат за безбедноста во регионот, каде живеат 75 проценти од населението, водат 80 проценти од операциите, како и 90 проценти од обуката на нови припадници на локалните воени и полициски единици.
Расмусен изрази надеж дека Авганистанците ќе соработуваат во претстојното целосно повлекување на странските военио контингенти, планирано за крајот на 2014 година, по што самите ќе ја преземат целосната контрола врз својата држава.
Генералниот секретар на НАТО прециизра дека веќе е во тек планирањето на новата операција во Авганистан, која се очекува да почне од 2015 година и да биде насочена единствено кон давање совети и помагање на подготовката на локалните специјални сили.
-Нашата стратегија функционира и остануваме цврсто решени да помогнеме за изградбата на мирна иднина за Авганистан, изјави Расмусен.