Ракета падна врз дипломатскиот комплекс на Индија во авганистанската престолнина Кабул, на околу еден километар од местото каде почна меѓународната мировна конференција за Авганистан, на која учестуваат претставници од 23 држави, ЕУ, ОН и НАТО, пренесоа британските медиуми.
Сирени и предупредувања за ракетен напад се слушнаа во повеќе амбасади непосредно пред експлозијата на ракетата.
Полицијата соопшти дека во нападот нема настрадани. Ракетата удрила врз игралиште за тенис.
Во Кабул и претходно беа истрелувани ракети, најчесто непрецизно, а често пати кон утврдениот реон во центарот на градот, каде се наоѓаат дипломатските претставништа, седиштето на меѓународната воена мисија и авганистанските министерства.