Денеска беше формирана заедничка работна група на Мјанмар и Бангладеш, која ќе го надгледува враќањето на муслиманите Рохинџи, кои претходно избегаа од насилствата во Мјанмар.
Со договорот се предвидува 30-члена работна група да подготви процедури за почеток на добровоолно враќање, преселување и интеграција на Рохинџите.
Повеќе од 630 илјади Рохинџи избегаа во Бангладеш, откако армијата на Мјанмар презеде остри мерки против нив во август, откако вооружена група изврши напади врз полициски станици.
Двете страни се согласија минатиот месец репатријација да започне околу 21 јануари, но претставник на бангладешкото МНР, кој присуствувал на денешната средба, изјави дека ќе има задоцнување од неколку недели.