Цел свет зборува за „орешник“, изјави рускиот претседател Владимир Путин на форумот „Future Technologies“ во Москва.
„Температурата на боевите глави е еднаква на температурата на површината на Сонцето“, рече Путин.
Рускиот претседател изјави дека плановите за развој на таков систем биле изготвени уште во доцните 1980-ти.
Но, како што истакнува, тоа тогаш не било можно бидејќи немало соодветни материјали.
Санкциите одиграа стимулативна улога за економијата на Руската Федерација, подвлече тој.
„Надворешните проблеми, санкциите, сите предизвици и тешкотии одиграа важна стимулативна улога. Руските компании сега се повеќе се свртуваат кон нашите научници и добиваат помош од нив. Освен тоа, домашните решенија често се покажуваат како поефикасни од странските“, истакна тој.
За можноста странските компании да се вратат во Русија, рече дека на ова треба да се внимава, за да не се изгуби стекнатиот потенцијал.
Тој исто така посочи дека на руските национални производители треба да им се овозможат предности во случај странските компании да се вратат на рускиот пазар.
Тој исто така изјави дека не треба да се застане на постоечките технологии во областа на хемијата и новите материјали, туку да се развиваат сопствени платформи.
За да може Русија да биде во чекор со динамиката на глобалната конкуренција, треба да вложи напори во потрагата по нови наоѓалишта и елементи за преработка, вклучително и минерали од ретки земји, со цел да се добијат високотехнолошки производи со висока додадена вредност.