Режимот во Киев, веќе нелегитимен, се претвора во терористичка организација. На сегашното раководство во Киев не му е потребен мир – моќта им е поважна од животите на луѓето, изјави денес рускиот претседател Владимир Путин.
„Она што се случи во Брјанск, во регионот Брјанск, беше целен напад врз цивили. Според сите меѓународни стандарди, ваквите акции се нарекуваат тероризам. Украина трпи огромни загуби и се повлекува по целата линија на фронтот, па затоа се обидува да ја заплаши Русија со терористички напади, рече Путин на состанокот со членовите на владата.
„Украинските вооружени сили, на пример, во регионот Курск, претрпеа апсолутно бесмислени, огромни загуби“, рече рускиот претседател.
Според него, сите злосторства против цивилите во пресрет на втората рунда разговори имаа за цел да ги попречат.
Путин рече дека спонзорите на Киев се соучесници на терористите.