Владимир Путин оваа недела ќе посети две поранешни советски држави во Централна Азија, објави руската државна телевизија, што е прво патување на рускиот лидер во странство откако нареди инвазија на Украина.
Путин, според медиумот ќе ги посети Таџикистан и Туркменистан, а потоа ќе се сретне со индонезискиот претседател Јоко Видод на разговори во Москва.
Во Душанбе, Путин ќе се сретне со таџикистанскиот претседател Имамали Рахмон, близок руски сојузник и владетел со најдолг стаж на поранешната советска држава. На самитот на касписките држави во ашхабат ќе присуствуваат лидерите на Азербејџан, Казахстан, Иран и Туркменистан.
Последното познато патување на Путин надвор од Русија беше посетата на Пекинг на почетокот на февруари.