Путин: Потребен е заеднички план за поддршка на економијата

Од:

Рускиот претседател Владимир Путин денеска на виртуелниот самит на Г20 изјави дека на земјите учеснички им е потребен заеднички план за поддршка на економијата по избувнувањето на пандемијата на коронавирусот и предложи мораториум за санкции поврзани со основните производи.

Путин предложи создавање на посебен фонд под контрола на Меѓународниот монетарен фонд за да им се помогне на земјите погодени од пандемијата.

– На сите, ако зборуваме за Г20 како целина, ни треба заеднички акционен план за стабилизирање на ситуацијата, поддршка на економијата и враќање на довербата на светските пазари, рече рускиот претседател на самитот.

– Сега генерално итно треба да обезбедиме пристап до финансирање за земји на кои им се потребни ресурси, особено за земјите погодени од кризата и пандемијата, рече Путин.

Тој рече дека коронавирусот ќе предизвика посериозни проблеми отколку што направи финансиската криза во 2008 и 2009 година.

Претседателот на Русија изјави дека невработеноста го надминала нивото од 2009 година, како резултат на развојот на ситуацијата поврзана со ширењето на коронавирусот.

Би можело да ве интересира

Принцот Вилијам и принцезата Кејт волонтираат во тим за психолошка помош во време на пандемија

А1он

Бегалскиот камп во Грција ставен во карантин

А1он

Индија ја престигна Италија по бројот на заразени од Ковид-19

А1он

Влада: 30 милиони денари наменети за здруженија и фондации за справување со корона кризата

А1он

Се зголеми бројот на смртни случаи од коронавирус во Италија

А1он

Преглед на состојбата со Ковид-19 во светот

А1он