Претседателот на Украина Петро Порошенко постигна договор со претседателот на Русија Владимир Путин за „постојан прекин на огнот“ во југоисточна Украина во регионот Донбас, соопшти прес службата на украинскиот претседател.
– Претседателите меѓусебно се договорија за чекорите што ќе овозможат да настапи мир, се вели во соопштение објавено потелефонски разговор меѓу Путин и Порошенко.
Претходно портпаролот на Путин Дмитриј Песков изјави дека двајцата лидери се договориле воглавно за тоа што треба да биде преземено за да се заврши украинската криза.
– Ставовите на Путин и Порошенко за можните начини за прекин на оваа тешка криза во значителна мерка се исти, додаде портпаролот на рускиот претседател.