Путин го прослави 74-от роденден со Герхард Шредер , Кремљ објави фотографии

Од:

Поранешниот германски канцелар Герхард Шредер присуствуваше на прославата на 74. роденден на рускиот претседател Владимир Путин во неговиот дом, објави Кремљ.

На фотографиите објавени на Телеграм, Шредер и Путин се насмеани и се ракуваат, додека во позадината се гледаат старинска печка и руски самовар, традиционален сад за загревање вода за чај.

„Владимир Путин претходниот ден од утринските вести дозна дека Герхард Шредер се наоѓа во Москва и дека дошол службено, поради компанијата ‘Глобус’. Претседателот го покани својот стар пријател во својот дом. Герхард Шредер беше со Владимир Путин додека шефот на државата вчера го прославуваше роденденот“, соопшти Кремљ.

Шредер, кој беше германски канцелар од 1998 до 2005 година, неодамна се приклучи на надзорниот одбор на рускиот трговски синџир „Хиперглобус“. Во средата посети една од продавниците на компанијата во Москва, каде што вработените го пречекаа со аплауз, покажаа снимките на руската телевизија.

Поранешниот германски канцелар со години се соочува со критики, особено во Германија, поради блиските врски со Путин и руските деловни кругови. Тие врски продолжија и по руската инвазија врз Украина во 2022 година и воведувањето повеќе пакети западни санкции против Русија.

Путин во мај сугерираше дека Шредер би можел да ги претставува европските земји во мировните преговори за завршување на војната во Украина. Европските министри за надворешни работи ја отфрлија таа можност.

Би можело да ве интересира

Путин: Азија станува центар на светската економија, Си повика на укинување на трговските бариери

Европа стравува дека Трамп и Путин ќе договорат мир без Украина и ЕУ

Сибиха: Украина очекува Трамп и Си да го искористат своето влијание врз Путин за да ја завршат војната

Кремљ: Веќе се подготвува завршна изјава по средбата меѓу Трамп, Путин и Си

Си и Путин разговараа за утрешната средба со Трамп

Горан Наумовски

Тројцата лидери се сретнаа, утре на една маса: Трамп, Си и Путин на историска средба во Кина

Горан Наумовски