Тинејџер е убиен во пукање за време на полувремето на фудбалски натпревар во средно училиште во американската сојузна држава Луизијана.
Еден маж е ранет, соопшти полицијата.
15-годишно момче е убиено во пукање во средното училиште Порт Ален, во близина на градот Батон Руж, додека 28-годишен маж се здобил со повреди од непознат степен, се наведува во соопштението на полицијата. Медицински хеликоптер и амбулантно возило се испратени на местото на настанот и ги транспортирале жртвите во болницa, пренесе АП.
Исто така, беше објавено дека никој не бил уапсен веднаш по пукањето. Инцидентот се случил на полувремето на фудбалски натпревар помеѓу две средношколски екипи.