Првите тенкови Леопард 1 испратени од Данска, Германија и Холандија пристигнаа во Украина, соопшти данското Министерство за одбрана.
„Првите 10 тенкови веќе се испорачани во Украина. А уште повеќе се на пат“, се вели во соопштението на Министерството за одбрана.
Данските воени инструктори обучуваат украински војници да управуваат со нив во Германија, се вели во соопштението за печатот.
Во февруари, Данска, Германија и Холандија ветија дека ќе испорачаат 100 тенкови од германско производство на Украина во „наредните месеци“.