Советот НАТО-Русија, чии седници беа замрзнати поради анексијата на Крим, ќе бидат обновени, се наведува во изјавата на генералниот секретар на Алијансата Јенс Столтенберг.
Тој наведе дека во наредните две недели, без да посочи точен датум, во Брисел ќе се одржи седница на Советот НАТО-Русија, на кои ќе се разговара за украинската криза и за исполнувањето на обврските од Договорот од Минск, како и за обновата на Авганистан и терористичките закани.
– Седницата е продолжение на политичкиот дијалог, кој беше посочен во одлуката на шефовите на држави и влади на земјите-членки на НАТО. Во исто време нема место за враќање на вообичаениот ритам на билатерални односи со Москва, додека Русија повторно не почне да го почитува меѓународното право, посочи Столтенберг.