Специјалниот советник Џек Смит поднесе нови обвиненија против поранешниот американски претседател Доналд Трамп, како дел од истрагата за напорите за поништување на резултатите од претседателските избори во 2020 година, кои доведоа до упадот на Капитол на 6 јануари 2021 година.
Ова е второ федерално обвинение што Смит го покрена против Трамп, пренесува Fox News.
Обвинението се состои од четири точки кои го обвинуваат Трамп за заговор за измама на Соединетите држави, заговор за попречување на службените постапки (пренос на власта), попречување и обид за попречување на службената постапка, како и кршење на правата гарантирани со законите и Уставот на САД.
Во обвинението се додава дека Трамп имал и шест соучесници, но нивните имиња не се споменуваат.
Поранешниот американски претседател е повикан да се појави пред федералниот судски суд во Вашингтон во четврток, а судија во случајот се очекува да биде Моксила А Упадјаја.
Првото обвинение против Трамп беше покренато како дел од истрагата за доверливи документи кои поранешниот претседател ги изнесе од Белата куќа, а пред тоа големата порота на Менхетен го обвини Трамп за деловна измама.
Трамп се изјасни за невин во двата случаи