Илјадници приврзаници на обединувањето на Молдавија со Романија се вклучија денеска на митинг на главниот плоштад во Кишињев, повикувајќи ги властите да ги обединат двете држави, јави ТАСС.
Во демонстрациите учествуваа над пет илјади лица.
Демонстрантите вееја знамиња на Романија и на Молдавија и скандираа „Долу границата на реката Прут!“ и „Обединување!“.
Благодарение на засиленото полициско присуство, не дојде до судири меѓу демонстрантите и граѓани незадоволни од нивните дејствија.
Организатор на митингот беше Блокот на националното единство, кој обединува околу 20 невладини организации.