Неколку стотици луѓе протестираа денеска во Виена барајќи укинување на санкциите против Русија, намалување на цените на струјата и гасот и зачувување на неутралноста на Австрија.
Насобраните држеа плакати со натписи „Намалете ги цените на струјата и гасот“, „За неутралност“, а голем дел од нив носеа знамиња на Австрија и Русија.
„Не е дека рускиот претседател Владимир Путин не сака да ни продава гас и суровини, но Европската унија тоа го забрани со санкции и ембарго. Во исто време, во ЕУ постојано зборуваат за „светата крава“ – правото на слободна трговија. Но, тоа право очигледно се однесува само на трговските односи со САД и нивните сојузници“, рече еден од присутните демонстранти.