Околу 100 лица излегоа на протест пред германската амбасада во Мексико Сити, бидејќи според нив германски произведувачи на оружје, им извезувале пушки на корумпираните полицајци кои се вмешани во исчезнувањето на 43 -те студенти.
Како што пренесе „Асошиејтед прес“, демонстрантите тврдат дека полицијата во државата Гереро употребувала пушки „Г36“ од германско производство.
Полицајците се обвинети дека ги привеле студентите, а потоа ги предале на нарко банда која ги убила. Лидерот на протестите Фелипе де ла Крус рече дека Германија требало да ја сопре таквата продажба.
Е. Г.