На интернет се појавија стравични фотографии за кои се тврди дека се направени во конзулатот на Саудиска Арабија во Турција, а на кои се гледа како, неофицијално се тврди, ѕверското касапење на саудискиот новинар Џамал Кашоги.
Убиството на Кашоги предизвика шок и бес ширум светот и иако се уште не е потврдено дека на сликите е токму тој, тие предизвикаа силни реакции.
Саудискиот новинар кој беше во егзил во Соединтетите Држави од 2017-та година, е убиен на 2 октомври во конзулатот на својата земја во Истанбул, а неговото убиство е тема број еден во светските медиуми.
Претходно се појави снимка, за кој се тврди неофицијално, дека е предаден како доказ, а на кој се слуша дека новинарот е киднапиран, дрогиран и задавен. Потоа е исечен на парчиња. Истражувачите на убиството веруваат дека телото на Кашоги е растопено во киселина, а потоа течноста фрлена во канализација.
Анкара наведува дека операцијата ја спровеле 15 егзекутори испратени од Саудиска Арабија, кои ја напуштиле Турција на денот на злосторството.