Руското Министерство за вонредни ситуации денеска на 30 квадратни километри ја прошири областа за потрага по телата на жртвите и остатоците од авионот „А 321“, што се урна на египетскиот остров Синај, соопшти министерот Врадимир Пушков.
Пушков за каналот „Русија 24 ТВ“ изјави и дека одлуките за операцијата на потрага се донесени во соработка со египетските колеги.
– Личните предмети на патниците се однесени од местото на несреќата. Развиваме планови и програми за идната работа и продолжуваме да ги спроведуваме сите неопходни акции се додека не ја завршиме потрагата, додаде Пушков, пренесува ТАСС.
Пушков рече и дека спасувачите во потрагата по телата на жртвите користат дронови од руско производство, како и посебни технологии што им ја олеснуваат работата во тешки услови.
Министерот додаде дека потрагата ќе биде продолжена се додека сите тела и делови од тела на жртвите не бидат пронајдени.