Проруски активисти на истокот на Украина соопштија денеска дека ја презеле контролата врз аеродромот во Доњецк, по повеќедневни интензивни судири, но украински претставници не потврдија дека владините сили се повлекле.
Лидерот на проруските активисти Александар Захарченко рече рано утрово на прес-конференција дека силите ја презеле контролата врз аеродромот.
Ова упориште на проруските активисти беше потресено со интензивна размена на оган од артилериско оружје од украинските сили во текот на изминатиот викенд, додека жестоки борби се водеа за аеродромскиот терминал и околните области.
Во судирите загинаа најмалку 14 лица од кои 10 цивили и четворица украински војници.