Договорот за прекин на огнот меѓу либанската армија и исламистите во градот Арсал во близина на границата со Сирија пропадна, откако во градот беа обновени судирите што почнаа за време на викендот.
Либанските безбедносни сили доцна синоќа објавија дека вчера договореното примирје, не успеало откако биле нападнати позиции на армијата.
Примирјето требаше да трае 24 часа и да овозможи истрага за судбината на 22 исчезнати војници, како и за задоволување на хуманитарните потреби на илјадници цивили во регионот.