Пронајден и уапсен е мажот кој се бараше во врска со убиството на три жени во напад со самострел, соопшти полицијата. Станува збор за 61-годишната сопруга и двете ќерки на коментаторот на BBC Racing Џон Хант. Ќерките се на 28 и 25 години.
Во соопштението на полицијата во Хертфордшир се вели дека Клифорд бил пронајден во Енфилд, блиску до имотот кој беше претресен претходно истиот ден како дел од претресот.
Кајл Клифорд (26), за кој се претпоставува дека служел во британската армија околу една година, беше именуван како осомничен од полицијата во Хертфордшир по смртта на Керол Хант (61) и нејзините две ќерки Хана (28) и Луиз (25).
На прес-конференцијата, началникот Џон Симпсон од полицијата во Хертфордшир им рече на новинарите дека се сомнева дека убиствата биле „целни“.