Кениската полиција приведе најмалку десет лица осомничени за учество во терористичкиот напад во трговски центар во Најроби, во кој загинаа над 60 лица.
Безбедносните сили на Кенија се уште се борат со припадниците на сомалиската исламистичка група, кои во трговскиот центар „Вестгејт“ држат заложници. Кениското Министерство за одбрана соопшти дека досега се убиени тројца терористи, додека неколку се повредени.
Операцијата продолжува, а војската ги затвори сите патишта за евентуално бегство, се наведува во соопштението на Министерството, како и дека шансите некои од терористите да избегаат се сосема мали.
Во операцијата се вклучени и израелски безбедносни сили, како и британски и американски агенти.