Националното собрание на Венецуела го одобри синоќа во прво читање предлогот за уставни реформи, кој предвидува намалување на мандатот на претседателот од шест на четири години, како и укинување на можноста за неограничен број претседателски мандати.
Парламентот е под контрола на Коалицијата на демократско единство, во која влегуваат противниците на претседателот Николас Мадуро.
Пратениците од Патриотски пулс не се согласија со иницијативата на своите колеги од опозицијата, но не успеја да влијаат врз изходот од гласањето.
Референдум за измени во Уставот, со кој се укина неограничениот број претседателски мандати, но и мандати на гувернери и градоначалници, се одржа во 2009 година. Сега Парламентот предлага ограничување на само еден мандат.
Измените предложени од опозицијата треба да минат и на второто читање, а потоа да бидат ставени на гласање на референдум.