Претседателот на германскиот Бундестаг, Норберт Ламерт ја критикува Австрија бидејќи секогаш го поддржувала курсот на мерките за штедење во ЕУ, а сега го отфрла.
Во интервју за виенскиот неделник „Профил“, Ламерт ги отфрли критиките на австрискиот канцелар Вернер Фајман упатени кон германската канцеларка Ангела Меркел и нејзиниот курс на штедење.
– Како што се сите земји-членки вклучени во донесување на европските одлуки, Вие тежнеете кон тоа да се криете зад некого кога станува непријатно, остро возврати Ламерт.
Тој нагласи дека не му е познато оти австриската Влада предложила некоја друга политика.
Ламерт потсети дека мерките на ЕУ за Грција биле усвоени едногласно.